«Այբ» միջին դպրոցի 5-ից 9-րդ դասարաններում հիմնական ընդունելություն չի կատարվում։
5-9-րդ դասարաններում հնարավոր թափուր տեղերի առաջացման դեպքում, տնօրենության որոշմամբ, կարող է կազմակերպվել մրցութային ընդունելություն։ Այն սովորաբար անցկացվում է ուսումնական տարվա յուրաքանչյուր քառորդի վերջում։
Եթե հետաքրքրված եք ընդունելության այս տարբերակով, խնդրում ենք անցնել հղումով և լրացնել անհրաժեշտ տեղեկությունները: Թափուր տեղերի համալրման նպատակով իրականացվող մոտակա ընդունելության մասին դպրոցը կտեղեկացնի Ձեզ էլփոստի միջոցով՝ միաժամանակ ներկայացնելով նաև ընդունելության մանրամասները:
Ժամանակացույց
«Այբ» միջին դպրոցի 5-ից 9-րդ դասարաններում առկա թափուր տեղերի համալրման ընդունելությունը կայացել է 2020 թ․ մայիս-հունիս ամիսներին՝ հետևյալ ժամանակացույցի համաձայն՝
| Բաց դռների օր | 15/05 և 19/05 |
| Դիմումների ընդունում | 04/05-20/05 |
| Հայոց լեզվի քննություն | 25/05 |
| Անգլերենի քննություն | 26/05 |
| Հանրահաշվի և երկրաչափության քննություն | 27/05 |
| Բնագիտական առարկաների քննություն (քիմիա, ֆիզիկա, կենսաբանություն, աշխարհագրություն) 2 ընտրված քննություն, աշխարհագրություն (միայն 9-րդ դասարանի համար) | 01/06 |
| Հայոց պատմության քննություն | 02/06 |
| Քննական արդյունքների ամփոփում | 08/06 |
| Հարցազրույցների խմբային փուլ | 09/06-10/06 |
| Հարցազրույցների անհատական փուլ | 12/06-14/06 |
| Վերջնական արդյունքների ամփոփում | 15/06 |
Քննություններ
5-9-րդ դասարանների թափուր տեղերի համալրման համար նախատեսված են հետևյալ քննությունները, որոնք կատարվում են դպրոցի միևնույն դասարանների կիսամյակային կամ տարեկան ստուգումներին համապատասխան․
- Հայոց լեզու
- Մաթեմատիկա (հանրահաշիվ և երկրաչափություն)
- Անգլերեն
- Բնագիտական երեք առարկաներից (քիմիա, ֆիզիկա, կենսաբանություն) երկուսը՝ դիմորդի ընտրությամբ՝ միայն 8-9-րդ դասարաններում
- Հայոց պատմություն՝ միայն 9-րդ դասարանում։
Ընդունելության քննություներից բացի` բոլոր դիմորդները և ծնողներն անցնում են հարցազրույցի փուլով:
Դպրոց ընդունված երեխաների ցանկը հաստատվում է ԸՀ-ի որոշմամբ` ընդունելության քննությունների և դիմորդների ու ծնողների հետ զրույցի արդյունքների հիման վրա: Ընդունող հանձնաժողովի որոշումը վերջնական է, չի մեկնաբանվում և չի բողոքարկվում:Ծնողների և դիմորդների համար դպրոցում կազմակերպվում է բաց դռների օր, որի ընթացքում դպրոցի թիմը ներկայացնում է դպրոցը և պատասխանում բոլոր հարցերին: Նույն օրը բոլոր հյուրերի համար կազմակերպվում է ծանոթական շրջայց դպրոցում: Բաց դռներին մասնակցությունը բոլոր դիմորդների ծնողների համար պարտադիր է։ Եթե դիմումը ներկայացնելիս պարզվում է, որ ծնողները ներկա չեն եղել բաց դռների միջոցառման, ապա մինչև ընդունելության քննությունները կազմակերպվում է լրացուցիչ բաց դռների օր։ Դիմումը ներկայացրած, սակայն բաց դռների միջոցառմանը չմասնակցած ծնողների երեխաները ընդունելությանը մասնակցելու հնարավորությունից զրկվում են։
Դիմորդները և ծնողները էլփոստով տեղեկացվում են կոնկրետ ընդունելության ժամանակացույցի մասին, ինչպես նաև ստանում են տեղեկատվություն յուրաքանչյուր առարկայի քննական թեմաների վերաբերյալ։
Ընդունող հանձնաժողով
«Այբ» միջին դպրոցի «Այբ» Ընդունող հանձնաժողովը ձևավորվում է Հոգաբարձության խորհրդի որոշման վրա։
ԸՀ-ի անդամները կարող են համընկնել՝ ըստ դպրոցական բաղադրիչների և կարող են լինել ՀԽ-ի, Դպրոցի տնօրենության և Մանկավարժական խորհրդի անդամներ, «Այբ» համայնքի ներկայացուցիչներ։
Հիմնական դպրոցը ընդունելության հետ կապված հարցերի դեպքում կարող եք զանգահարել 094 546498 հեռախոսահամարով կամ գրել [email protected] էլեկտրոնային հասցեին։