«Սեդիագիտակներ» ակումբ

Մեդիագրագիտություն․ ի՞նչ մտածեցիք, երբ առաջին անգամ կարդացիք այս բառը։ «Գիտություն մեդիայի մասի՞ն․ ինձ հետ ոչ մի կապ չունի»։ Վստահորեն կարող եմ պնդել, որ սխալվում եք։ Նշանակություն չունի, թե որ ոլորտի մասնագետ եք, որ ֆակուլտետի ուսանող կամ անգամ որ դասարանի աշակերտ։ Սա առարկա է, որի կողքով դուք չպետք է անտարբեր անցնեք, քանզի սա պարզապես «մեդիայի մասին գիտություն» չէ․ երկու կարևոր տառ եք բաց թողել։ Սա մեդիաԳՐագետ դառնալու մասին է։ Իսկ մեդիագրագետ ոչ միայն կարող են, այլ պետք է լինեն բոլորը՝ անկախ նրանից՝ վարում են գործունեությունը մեդիա ոլորտում, թե ոչ։

Բարև՛ ձեզ, մենք մեդիագիտակներ ենք։ Մեր նախագծի նպատակն է դարձնել ձեզ մեզնից մեկը։ Դարձնել ձեզ քաղաքացի, որրն ունակ է տարբերելու ճշգրիտ և վստահելի տեղեկույթը ապատեղեկատվությունից՝ քարոզչությունից, կեղծիքից, զրպարտումից, բամբասանքներից, «դեղին մամուլ»-ից։ Դժբախտաբար համացանցը լի է երկրորդ տիպի նյութերով, քանի որ դրանց հրապարակումը հաճախ ավելի շահավետ է։ Միաժամանակ դրանք բավական վտանգավոր հետևանքներ կարող են թողնել: Մենք պետք է չթողնենք, որ մեզ խաբեն, և դա պիտի անենք իմանալով կեղծիքների տեսակները, ապակողմնորոշելու մեթոդները, դրանցից խուսափելու լավագույն տարբերակները։

Ահա այս հարցում էլ օգնության ենք գալիս մենք՝ մեդիագիտակներս։ «Այբ» ավագ դպրոցում մեդիագիտակների ակումբի գործունեության առաջին տարին է միայն սկսվել, սակայն վստահ ենք, որ շուտով կկարողանանք հասարակությանը ծանոթացնել մեդիագրագիտությանը և այնպես անել, որ համացանցում տիրող «մեդիաաղետը» հնարավորինս քիչ վնասի։

Կիսվել

[[tags:1:1]]

Tweets by AybSchool
>